İsrail ordusu "Hizbullah" üzvü Məhəmməd Hammudini məhv etmək üçün Livana yeni zərbə endirib.

“Report” xəbər verir ki, bu barədə İsrail Müdafiə Ordusunun mətbuat xidməti məlumat yayıb.

Məlumata görə, zərbə Livanın cənubundakı Kounin kəndinin kənarında həyata keçirilib.

Qeyd olunub ki, Hammudi Livanın cənubundakı Bint Cbeil şəhəri ərazisində Hizbullah hərbi qanadının bölmələrindən birinə komandanlıq edib.