“Son günlər Yekaterinburqda azərbaycanlı icma üzvlərinə qarşı törədilən hadisələr hər birimizi dərindən narahat edir və ciddi şəkildə pislənilməlidir. Azərbaycana və soydaşlarımıza qarşı yönəlmiş hər cür ayrı-seçkilik, zorakılıq və təzyiq halları yolverilməzdir”.

Mediaplus.az xəbər verir ki, bu barədə millət vəkili Göydəniz Qəhrəmanov sosial şəbəkə hesablarında paylaşım edib.

“Azərbaycan dövləti hər zaman öz vətəndaşlarının və soydaşlarının təhlükəsizliyinin təmin olunmasına, onların hüquqlarının qorunmasına xüsusi önəm verir. Cənab Prezident İlham Əliyevin apardığı qətiyyətli və milli maraqlara əsaslanan xarici siyasət kursu bu məsələdə də dövlətimizin prinsipial mövqeyini bir daha nümayiş etdirir.

Azərbaycan xalqı və dövləti hər zaman birlikdədir və soydaşlarımızın yanındadır!”, – deyə paylaşımda qeyd olunub.