Venesuela ABŞ-ın ölkənin hava məkanına dair davranışlarını kəskin tənqid edərək Vaşinqtonu beynəlxalq hüquqa əməl etməyə çağırıb.

APA xəbər verir ki, bu barədə ölkə höküməti bəyanat yayıb.

Bəyanatda deyilir ki, Venesuela ICAO normaları və 1944-cü il Çikaqo Konvensiyası ilə qorunan hava məkanına qeyd-şərtsiz hörmət tələb edir.

Karakas ABŞ Prezidenti Donald Trampın açıqlamalarında güc tətbiqi hədələrini və ölkənin suverenliyinə, ərazi bütövlüyünə və aviasiya təhlükəsizliyinə risk gördüyünü bildirib.

Venesuela hökuməti beynəlxalq ictimaiyyətə, dünyanın suveren dövlətlərinə, eləcə də BMT və müvafiq çoxtərəfli qurumlara müraciət edərək ABŞ-ın “aqressiya aktını” qəti şəkildə pisləməyə çağırıb.