Macarıstanın xarici işlər və xarici iqtisadi əlaqələr naziri Peter Siyarto bildirib ki, Avropa İttifaqı Rusiya ilə mümkün müharibəyə hazırlaşır və bu çərçivədə Ukraynanın hərbi sənayesinin maliyyələşdirilməsini müzakirə edir.

APA xəbər verir ki, Siyarto bu açıqlamanı Brüsseldə Aİ-yə üzv ölkələrin xarici işlər nazirlərinin iclasında iştirak etdikdən sonra mətbuat konfransında səsləndirib.

Nazirin sözlərinə görə, Aİ bu məqsədlə Qərbdə Rusiyanın dondurulmuş aktivlərindən istifadə etməyi planlaşdırır.

O qeyd edib ki, Aİ Xarici İşlər Şurasında hələ də “hərbi fanatizm” hökm sürür.

Siyarto əlavə edib ki, bəzi Avropa ölkələrinin paytaxtlarında Ukrayna dövlətinin və Silahlı Qüvvələrinin fəaliyyətinin Avropa vergiödəyiciləri hesabına maliyyələşdirilməsi ilə bağlı qərarlar qəbul edilib.

XİN başçısı vurğulayıb ki, müzakirələr hətta Ukraynada hərbi zavodların tikilməsi məsələsinə qədər gedib çıxıb.