İsrail ordusu Qəzza şəhərində HAMAS-ın hərbi qanadının yeni rəhbəri Məhəmməd Odaya zərbə endirib.

APA xəbər verir ki, bu barədə İsrailin Baş naziri Benyamin Netanyahu açıqlama verib.

Onun sözlərinə görə, Oda təxminən bir həftə əvvəl HAMAS-ın hərbi qanadının rəhbəri təyin olunub.

Baş nazir bildirib ki, o, 7 oktyabr hücumlarının təşkilatçılarından biri olub və çoxsaylı israillinin öldürülməsi, yaralanması və girov götürülməsinə görə məsuliyyət daşıyır.

İsrail Baş nazirinin ofisinin məlumatına əsasən, Oda əvvəllər HAMAS-ın kəşfiyyat rəhbəri vəzifəsində çalışıb.