ABŞ vətəndaşı Çində casusluq ittihamı ilə həbs olunub.

APA xəbər verir ki, bu barədə Çin Xarici İşlər Nazirliyi məlumat yayıb.

Bildirilib ki, U Min Zin adlı ABŞ vətəndaşı casusluq etmək və Çinin milli təhlükəsizliyini zərbə vurmaqda şübhəli bilinərək həbs olunub.

Rəsmi Pekin bununla bağlı ABŞ-ın Quançjou şəhərindəki Baş konsulluğunu məlumatlandırıb.

Qeyd edək ki, “The New York Times” bundan əvvəl həmin şəxsin ötən həftə Çinin Kunmin şəhərində yoxa çıxdığı barədə xəbər yayıb.