ABŞ Prezidenti Donald Tramp İranın Natanz yaxınlığında yerləşdiyi ehtimal edilən yeni nüvə obyektində fəaliyyətini davam etdirəcəyi təqdirdə Vaşinqtonun ölkəyə “çox güclü zərbə” endirə biləcəyini bildirib.

APA xəbər verir ki, Tramp bunu Dallasda Respublikaçılar Partiyasının noyabrda keçiriləcək aralıq seçkilər ərəfəsində təşkil olunan milli qurultayında çıxışı zamanı deyib.

“Kirqa dağında müəyyən fəallıq müşahidə edirik. İrana hiylə işlətməməyi məsləhət görərdim, çünki onlara çox güclü zərbə endirməli olacağıq. Başqa seçimimiz yoxdur”, – Tramp bildirib.

ABŞ Prezidenti zərbənin birbaşa sözügedən əraziyə endirilə biləcəyini də istisna etməyib.

“Kimsə həmin obyektdə müəyyən fəallığın müşahidə olunduğunu dedi. Ola bilsin, oranı da vurmalı olacağıq”, – Tramp əlavə edib.