ABŞ Rusiyanı gələn həftə Texas ştatının Hyuston şəhərində keçiriləcək G20 ölkələrinin energetika nazirlərinin toplantısında iştiraka dəvət edib.

Bu barədə Ağ Evin nümayəndəsi Reuters-ə məlumat verib.

“Rusiya rəsmisi gələn həftə Hyustonda keçiriləcək toplantıda iştirak edəcək”, – Ağ Ev nümayəndəsi bildirib.

G20 energetika nazirlərinin toplantısı sentyabrın 14-dən 16-dək keçiriləcək.

Rusiya maliyyə naziri Anton Siluanov avqustun 31-dən sentyabrın 1-dək Eşvill şəhərində keçirilmiş G20 toplantısında iştirak edib. Rusiya nümayəndə heyəti həmçinin sentyabrın 1-2-də Roli-Darem şəhərində keçirilmiş G20-nin innovasiyalar üzrə toplantısına qatılıb.