Qəzza ilə bağlı danışıq prosesində vasitəçi qismində iştirak edən Qətərin 3 diplomatı Misirdə avtomobil qəzasında ölüb.

APA-nın xəbərinə görə, bu barədə Qətər Xarici İşlər Nazirliyi məlumat yayıb.

Qeyd edilib ki, 3 qətərli diplomat Şərm əş-Şeyxdə qəzada ölüb, 2 nəfər isə yaralanıb.

Qeyd edək ki, Şərm əş-Şeyxdə Qəzza ilə əlaqədar sammit keçiriləcək. ABŞ Prezidenti Donald Trampın qatılacağı sammitə Azərbaycan da dəvət olunub.

***

saat 07.31

Misirdə avtomobil qəzasında həlak olan üç qətərli diplomat protokol qrupunun tərkibində olub.

APA xəbər verir ki, bu barədə “Associated Press” rəsmilərə istinadən məlumat verib.

"Qətərin protokol komandasının tərkibində olan diplomatlar yüksək səviyyəli sammitdən əvvəl Şarm əl-Şeyx şəhərinə gedirdilər", – məlumatda deyilir.

Qeyd olunur ki, avtomobil şəhərdən təxminən 50 kilometr aralıda aşıb.