Bu həftə ABŞ hökuməti Ukraynada davam edən münaqişə ilə əlaqədar Rusiyaya qarşı atıla biləcək bütün mümkün variantları çox yaxından öyrənməyi planlaşdırır.

APA xəbər verir ki, bunu ABŞ-ın maliyyə naziri Skott Bessent deyib.

“Düşünürəm ki, prezident Trampla bütün variantlar masadadır və biz bu həftə onları çox diqqətlə araşdıracağıq”, – o bildirib.

Bessent əlavə edib ki, Rusiyaya qarşı atılacaq addımları nəzərdən keçirmək qərarı Rusiya prezidenti Vladimir Putinlə Trampın Alyaskada keçirilən görüşündən sonra Moskvanın Ukrayna ərazisinə zərbələri artırması ilə bağlıdır.