ABŞ Energetika Nazirliyinin Milli Nüvə Təhlükəsizliyi Administrasiyasının 1400 işçisini məzuniyyətə göndərməsinə səbəb olan ABŞ federal hökumətinin bağlanması ABŞ-ın nüvə silahlarının istehsalı ilə bağlı məqsədlərinə çatmasına mane ola bilər.

APA xəbər verir ki, bu barədə CNN mənbələrə istinadən məlumat yayıb.

Mənbələrə görə, qalan işçilər modernləşdirilmiş silahları Pentaqona daha qısa müddətdə çatdırmaq üçün Tramp administrasiyasının təzyiqi altında işləməyə davam edirlər.

Agentliyin mənbələrinə görə, hətta qısamüddətli istehsalın dayandırılması belə silahların hazırlanması müddətini aylarla və hətta illərlə gecikdirə bilər. Çünki nüvə materialları ilə işin təhlükəsiz şəkildə dayandırılması mürəkkəb bir prosesdir.

Mənbələr onu da əlavə ediblər ki, administrasiyanın addımları onun iddialı milli təhlükəsizlik məqsədlərinə birbaşa ziddir.