ABŞ-ın Kaliforniya ştatındakı Kasl Pik dağında baş verən uçqunda itkin düşən 9 xizəkçidən 8-nin meyiti tapılıb, itkin düşən 1 xizəkçinin axtarışı isə davam edir.

APA xəbər verir ki, Nevada şəhər polisinin verdiyi məlumata görə tapılan 8 nəfərin cəsədləri bir-birinə çox yaxın olub və ölənlərdən 3-ü bələdçi olub.

Məlumata görə, çətin ərazi və hava şəraiti səbəbilə xizəkçilərin cəsədləri hələ də ərazidən çıxarılmayıb.