ABŞ Senatı və Nümayəndələr Palatasının Silahlı Qüvvələr Komitələri Venesuela sahillərindəki bir gəmiyə zərbə zamanı müdafiə naziri Pit Hegsetin “hamını öldürün” əmri verməsi ilə bağlı əmri araşdıracaq. Konqres Pentaqona nəzarəti gücləndirmək istəyirlər.

APA xəbər verir ki, bu barədə The Washington Post qəzeti yazır.

Qeyd edək ki, bu il 2 sentyabrda dövlət katibi Marko Rubio açıqlamışdı ki, Karib hövzəsinin cənub hissəsində ABŞ narkotik daşıdığı iddia olunan bir gəmiyə zərbə endirib. O iddia edirdi ki, gəmi Venesueladan çıxıb. Nəşr öz mənbələrinə istinadən yazır ki, Hegset əməliyyat zamanı “hamını öldürün” şəklində şifahi göstəriş verib. Gəmiyə iki dəfə zərbə endirilib, çünki 11 heyət üzvündən ikisi ilk hücumdan sağ çıxmışdı.

Senatın Silahlı Qüvvələr Komitəsinin sədri, respublikaçı Rodjer Uiker və komitə üzvü, demokrat Cek Rid bildiriblər ki, komitə bu məsələ ilə bağlı Pentaqona sorğu göndərib. “Biz vəziyyəti diqqətlə araşdırmağı və bununla bağlı faktları müəyyən etməyi planlaşdırırıq,” – deyə WP-nin sitat gətirdiyi açıqlamada bildirilir.