ABŞ administrasiyası idxal olunan polad üçün rüsumları 25%-dən 50%-ə qədər artırmaq niyyətindədir.

APA xəbər verir ki, bu barədə ABŞ prezidenti Donald Tramp açıqlama verib.

"Biz tarifləri 25% artırmağa hazırlaşırıq. Amerika Birləşmiş Ştatlarına idxal edilən poladın rüsumlarını 25%-dən 50%-ə qaldıracağıq", – Tramp deyib.

Trampın sözlərinə görə, bu, ölkənin polad sənayesini daha da gücləndirəcək.