Birləşmiş Ərəb Əmirliklərinin milli maraqlara fokuslanmaq məqsədilə OPEC və OPEC+dən çıxmaq niyyəti bu təşkilatlara ciddi zərbə kimi qiymətləndirilir.

“The Namibian” nəşri yazır ki, bu qərar ABŞ və İsrailin İrana qarşı müharibəsinin qlobal enerji bazarında yaratdığı gərginlik fonunda verilib.

Qeyd olunur ki, OPEC-in uzunmüddətli üzvlərindən biri olan BƏƏ-nin çıxışı təşkilat daxilində parçalanmanı gücləndirə və onun bazardakı mövqelərini zəiflədə bilər. Artıq Fars körfəzi ölkələri Hörmüz boğazında hücumlar səbəbindən ixracda çətinliklərlə üzləşirlər.

Eyni zamanda, ABŞ-ın son illərdə neft hasilatını artırması nəticəsində Vyanada yerləşən kartelin qlobal bazardakı payı azalıb. Bundan əlavə, BƏƏ ilə Səudiyyə Ərəbistanı arasında iqtisadi və regional rəqabətin, xüsusilə Qırmızı dəniz bölgəsində, artdığı bildirilir.