İran xarici işlər naziri Abbas Əraqçi fransalı həmkarı Jean-Noel Barrot ilə telefon danışığı aparıb, Yaxın Şərqdə və Hörmüz boğazı ətrafında vəziyyət müzakirə edilib.

APA xəbər verir ki, bu barədə Abbas Əraqçi “Telegram”-da paylaşım edib.

Telefon danışığı zamanı regionda və Hörmüz boğazı ətrafında yaranmış qeyri-sabitl vəziyyət diqqət mərkəzində olub. Abbas Əraqçi bununla bağlı məsuliyyətin ABŞ və İsrailin üzərinə düşdüyünü söyləyib. Eyni zamanda İranın müdafiə xarakterli addımlarının yalnız regiondakı ABŞ-ın hərbi bazaları və obyektlərinə qarşı yönəldiyini və region ölkələrinə qarşı hücum kimi qiymətləndirilməməli olduğunu qeyd eidb.

Tərəflər bir sıra konsulluq məsələləri ilə bağlı da fikir mübadiləsi aparıblar.