İsrailin Livanın cənubundakı Haruf şəhərindəki tibb mərkəzinə endirdiyi hava hücumu nəticəsində üç tibb işçisi ölüb, daha biri ağır yaralanıb.

APA-nın məlumatına görə, bu barədə Livan Səhiyyə Nazirliyi məlumat verib.

Məlumata görə, İsrail qırıcı təyyarələri 15 may tarixində günortadan sonra Nəbatiyyə vilayətinin Haruf şəhərindəki tibb mərkəzinə iki hava hücumu həyata keçirib.

"İsrailin zərbələri nəticəsində üç tibb işçisi həlak olub, daha biri ağır yaralanıb və mərkəzin özü tamamilə dağıdılıb", – məlumatda deyilir.