Rumıniyada Dunay çayında suyun səviyyəsinin davamlı azalması səbəbindən avqustun 13-də ölkədə fəaliyyət göstərən sonuncu nüvə reaktorunun da dayandırılması mümkündür.

Bu barədə "Reuters" məlumat yayıb.

Qeyd olunub ki, çayda suyun səviyyəsinin rekord həddə aşağı düşməsi iyulun sonunda “Çernavoda” Atom Elektrik Stansiyasının iki reaktorundan birinin dayandırılmasına səbəb olub. Stansiyanın iki enerji bloku Rumıniyada elektrik enerjisi istehsalının təxminən beşdə birini təmin edir.

Qalan reaktorun fəaliyyətini davam etdirməsi üçün Dunay çayının yatağı dərinləşdirilib və su axını AES-ə doğru yönləndirilib.