Litva ordusu yaxın həftələrdə sərhədçilərlə birlikdə Rusiyanın Kalininqrad vilayəti ilə sərhədin mühafizəsinə başlayacaq.

APA xəbər verir ki, bunu Litvanın müdafiə naziri Robertas Kaunas bildirib.

Onun sözlərinə görə, daxili işlər naziri Martinas Katelinasın Kalininqrad vilayəti ilə sərhədin mühafizəsinin gücləndirilməsi ilə bağlı müraciətindən sonra hərbçilərin yaxın həftələr ərzində sərhədə cəlb edilməsinə icazə verilib.

Katelinas müraciətində regiondakı ümumi təhlükəsizlik vəziyyətini əsas gətirərək ordunun köməyinə ehtiyac yarandığını bildirib. O, hərbçilərin sərhədin mühafizəsinə cəlb edilməsini preventiv tədbir kimi qiymətləndirib.