Göyçayda mənzildə meyiti aşkarlanan qadının kimliyi məlum olub.

Oxu.Az “Report”a istinadən xəbər verir ki, cansız bədəni aşkarlanan qadın 1960-cı il təvəllüdlü Göyçay şəhər sakini Məhəbbət Əlihüseyn qızı Rəsulovadır.

Onun meyiti aidiyyəti üzrə təhvil verilib.

Faktla bağlı araşdırma aparılır.

20:48

Göyçayda mənzildə meyit aşkarlanıb.

Oxu.Az xəbər verir ki, bu barədə Fövqəladə Hallar Nazirliyindən (FHN) məlumat verilib.

Bildirilib ki, FHN-in Böhran Vəziyyətlərində İdarəetmə Mərkəzinə Göyçay şəhərində 1 nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.

Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunublar.

Həyata keçirilən tədbirlər nəticəsində 1 nəfərin meyiti aidiyyəti üzrə təhvil verilib.