Sumqayıt şəhərində bir nəfər avtomobildə yanaraq ölüb.

Oxu.Az Xəzər TV-yə istinadən xəbər verir ki, avtomobilin sahibi Rusif Nəzərov bildirib ki, hadisə səhər saat 6 radələrində baş verib.

Avtomobilin alovlandığını görən qonşular yanğına müdaxilə etməyə çalışıblar.

Hadisə yerinə hüquq-mühafizə orqanlarının əməkdaşları cəlb olunub. Avtomobildə ölən şəxsin kimliyi hələ ki bəlli deyil. Onun oğurluq məqsədilə avtomobilə daxil olduğu iddia edilir.

Faktla bağlı araşdırma aparılır.

Ətraflı süjetdə:

09:24

Sumqayıt şəhərində kişi avtomobildə yanaraq ölüb.

Fövqəladə Hallar Nazirliyindən Oxu.Az-a verilən xəbərə görə, KIA markalı minik avtomobilinin mühərrik hissəsi və salonu yanıb.

Yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.

Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.