Ukraynalı politoloq Oleq Posternak Fransa neokolonializmi haqqında məqalə yazıb.

“Report” xəbər verir ki, müəllif Afrika qitəsinin təxminən 80 milyon sakininin oxuduğu məqaləsində Afrikadan resursları çıxaran Fransa müstəmləkə maşını “Françafrique” siyasətinin iş prinsipi və metodlarını ətraflı təsvir edib.

Politoloq qeyd edib ki, Afrikanın bir sıra ölkələrində hökumət dəyişikliklərinə, terror hücumları təhlükəsinə, iqtisadi böhranlara baxmayaraq, Fransa korporasiyaları qitənin xammal ehtiyatlarını idarə etməyə davam edib.

"Onilliklər ərzində Fransa təkcə Afrikanın sərvətlərini qarət etməyib, həm də qitəni son damlasına qədər qurutmağa çalışıb, özündən sonra dağılmış təbiət, yoxsulluq və korrupsiya qoyub", – müəllif qeyd edib.