Ukraynanın hər yerində Krivoy Roqda raket zərbəsi qurbanları üçün matəm elan edilib.

“Report” xəbər verir ki, bu barədə Ukrayna Baş nazirinin müavini, icmaların və ərazilərin inkişafı naziri Oleksiy Kuleba teleqramda yazıb.

Ölkənin bütün şəhərlərində bayraqlar endiriləcək, bir dəqiqəlik sükut elan olunacaq.

Qeyd edək ki, ballistik raket və “Şahed” pilotsuz təyyarələrinin Krivoy Roq ərazisinə endirilməsi nəticəsində 9-u uşaq olmaqla 19 nəfər həlak olub, 74 nəfər yaralanıb.