BYD 2025-ci ilin birinci rübündə satış rekorduna imza atıb.

Oxu.Az xəbər verir ki, bu barədə motor.ru məlumat verib.

Yanvar-mart ayları ərzində Çinin ən böyük avtomobil istehsalçılarından biri 416.388 elektromobil satmağı bacarıb ki, bu da bir il əvvəllə müqayisədə təxminən 40% daha çoxdur.

Hibridlərin satışı 569.710 ədəd təşkil edib ki, bu da 2024-cü ilin birinci rübünün nəticəsi ilə müqayisədə 76% daha çoxdur. Təkcə mart ayında BYD xaricə 206.084 elektrik avtomobili göndərərək ixracı 111% artırıb.

BYD-in satış strukturunda PHEV avtomobillərinin payı il ərzində 51,9%-dən 57,8%-ə yüksəlib. Elektrik avtomobillərinin satış payı daha aşağıdır. Onların satış payı 48,1%-dən 42,2%-ə qədər azalıb.

Analitiklərin fikrincə, bu il BYD daha bir rekorda imza atacaq və dünya üzrə 5.5 milyon avtomobil satacaq. Ötənilki nəticə 4.3 milyon, 2023-cü ildə isə 3 milyon olub.