Kürdəmirdə bir neçə nəfərin xəsarət alması ilə nəticələnən yol-nəqliyyat hadisəsi qeydə alınıb.

APA-nın yerli bürosunun xəbərinə görə, hadisə Bakı- Qazax avtomobil yolunun rayonun atakişili kəndindən keçən hissəsində baş verib.

Belə ki, hərəkətdə olan "Toyota" markalı minik avtomobili idarəetmədən çıxaraq aşıb.

Nəticədə sürücü, 1985-ci il təvəllüdlü Pərvanə Akif qızı Əliyeva, sərnişinlər; 2007-ci il təvəllüdlü Aytən Elməddin qızı Xasıyeva, 1960-cı il təvəllüdlü Təranə İslam qızı Xəlilova və1985-ci il təvəllüdlü Vüqar Akif oğlu Əliyev müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına yerləşdirilib.

Xəsarət alanlardan birinin vəziyyəti ağır olduğu üçün paytaxta göndərilib.

Faktla bağlı araşdırma aparılır.