UEFA Millətlər Liqasında pley-off və 1/4 final mərhələsinə start verilib.

Oxu.Az xəbər verir ki, ilk oyun günündə 12 görüş keçirilib.

İştirakçı komandaları nəzərə alaraq, azarkeşlər arasında 1/4 final oyunları daha çox marağa səbəb olub.

İspaniya səfərdə Niderlandın qonağı olub. Komandalar sülhlə ayrılıblar – 2:2.

Xorvatiya öz meydanında Fransanı qəbul edib. Balkan komandası "xoruzlar"a şans verməyib – 2:0.

Danimarka – Portuqaliya matçının taleyini bir qol həll edib. Oyunun sonlarına yaxın fərqlənən meydan sahibləri minimal hesablı qələbə qazanıblar – 1:0.

İtalyanlar doğma azarkeşləri önündə almanlara uduzublar. İlk qolu meydan sahibləri vursalar da, qonaqlar geridönüş etməyi bacarıblar – 1:2.

Pley-off matçlarında isə aşağıdakı nəticələr qeydə alınıb.

20 mart

UEFA Millətlər Liqası

A/B pley-offu

Türkiyə – Macarıstan 3:1

Avstriya – Serbiya 1:1

Yunanıstan – Şotlandiya 0:1

Ukrayna – Belçika 3:1

B/C pley-offu

Ermənistan – Gürcüstan 0:3

Bolqarıstan – İrlandiya 1:2

Kosovo – İslandiya 2:1

Slovakiya – Sloveniya 0:0

Xatırladaq ki, cavab görüşləri mart ayının 23-də keçiriləcək.