Aktyor Azər Baxşəliyev Yasamal rayonunda “Qurd qapısı” qəbiristanlığında dəfn edilib.

APA xəbər verir ki, dəfn mərasimində mərhum aktyorun sənət dostları, müxtəlif teatr və kino aktyorları, rejissorlar və digərləri iştirak ediblər.

***

saat 11.09

Aktyor Azər Baxşəliyev vəfat edib.

Bu barədə APA-ya mərhumun dostu, aktyor Elsevər Camal məlumat verib.

O bildirib ki, Azər Baxşəliyev bu gün günorta saatlarında Yasamal rayonunda "Qurd qapısı" qəbiristanlığında dəfn ediləcək.

***

saat 10.04

Dünən axşamdan etibarən həkimlərin səyləri baxmayaraq, aktyor Azər Baxşaliyevin ümumi vəziyyətində geridönməz proseslər baş verib.

Bu barədə APA-ya Azərbaycan Tibb Universitetinin mətbuat katibi Günel Aslanova xəbər verib.

Bildrilib ki, poli orqan çatışmazlığı səbəbindən, orqanizm yaşama qabiliyyətini itirib: "Bu səbəbdən Azər Baxşaliyevin valideyn və ailə üzvlərinin istəyi ilə xəstə süni tənəffüs aparatından ayrılıb, bu gün evə aparılır".

Qeyd edək ki, böyrək çatışmazlığından əziyyət çəkən aktyor yanvarın 1-də xəstəxanaya koma vəziyyətində daxil olub. Yanvarın 2-də ürəyi dayanmış, həkimlərin səyi ilə ürək fəaliyyəti bərpa edilmişdi.