Sabah səhər saatlarından axşam saatlarınadək Bakının Zabrat qəsəbəsinə içməli suyun verilməsində fasilə yaranacaq.

Bu barədə "APA-Economics”ə Azərbaycan Dövlət Su Ehtiyatları Agentliyindən (ADSEA) bildirilib.

Məlumata görə, buna səbəb qəsəbəni içməli su ilə təchiz edən magistral xətdə təmir işlərinin aparılmasıdır.

Təmir işləri yekunlaşdırıldıqdan sonra suyun əvvəlki rejimlə verilməsi təmin ediləcək.