Ətraf mühit, Sosial və İdarəetmə (ESİ) prinsiplərini öz fəaliyyətində əsas tutan Bank of Baku “Təbiətə Yaxın Bankçılıq” şüarı altında ekoloji tədbirlərini davam etdirir.

Bank 1 iyul tarixində Ekologiya və Təbii Sərvətlər Nazirliyinin dəstəyi ilə Xəzər dənizinin Bilgəh sahilində növbəti təmizlik aksiyasını təşkil edib.

Aksiyada Bank of Baku əməkdaşları və ekokönüllülər iştirak edərək sahilyanı ərazidən plastik və digər məişət tullantıları toplayıblar. Qeyd edək ki, bank tərəfindən təşkil olunan təmizlik aksiyalarında ümumilikdə 1 tona yaxın tullantının toplanılmasına nail olunub.

Bu cür aksiyaları təşkil etməkdə əsas məqsəd Xəzər dənizinin ekoloji vəziyyətinə ictimai diqqəti yönəltmək, dəniz sahillərinin təmizliyini təbliğ etmək və ətraf mühitin qorunması ilə bağlı tədbirlərə dəstək olmaqdır.

Məlumat üçün bildirək ki, dayanıqlı fəaliyyətin ayrılmaz hissəsi olan ESİ amilləri Bank of Baku-nun strateji priotitetləri arasında ilk sıralardadır. Bu baxımdan bank “Təbiətə Yaxın Bankçılıq” şüarı ilə ekoloji layihələrini davam etdirməyi hədəfləyir.

30 ildən çoxdur ki, fəaliyyət göstərən “Bank of Baku” 20 filial şəbəkəsi ilə 1 milyondan çox müştəriyə pərakəndə, kiçik və orta sahibkarlıq, eləcə də korporativ bankçılıq istiqamətlərində bank xidmətləri təklif edir.

Daha ətraflı:

145 Məlumat Mərkəzi

www.bankofbaku.com

www.facebook.com/bankofbaku