Dağıstanda 811 yaşayış evi və mindən çox həyət sahəsi hələ də su altındadır.

APA xəbər verir ki, bu barədə Rusiya Fövqəladə Hallar Nazirliyi məlumat yayıb.

"Dağıstan Respublikasında 4 inzibati rayonda, 6 yaşayış məntəqəsində 811 yaşayış evi, 1043 həyət sahəsi və 55 yol sahəsi hələ də su altında qalır", – nazirlikdən bildirilib.

Nazirliyin məlumatına görə, zərərin qiymətləndirilməsi üçün komissiyalar işə başlayıb.