ABŞ İranın əsas nüvə infrastrukturu obyektlərinə zərbələr endirərkən bunker əleyhinə bombalar və “Tomahawk” qanadlı raketlərindən istifadə edib.

“Report” xəbər verir ki, bu barədə “Fox News” telekanalı məlumat yayıb.

Kanalın məlumatına görə, Fordo yeraltı gizli kompleksinə B-2 görünməz bombardmançı təyyarələrindən beş-altı güclü bomba atılıb, halbuki əvvəllər iki bombanın kifayət edəcəyi güman edilirdi. Telekanal iddia edir ki, “İranın nüvə ambisiyaları rəsmən ölüb”.

Fordodan başqa, digər iki nüvə obyekti – İsfahan və Nətənzdə də hücuma məruz qalıb. Telekanala görə, hədəflərdən təxminən 640 km məsafədə yerləşən sualtı qayıqlardan bu obyektlərə təxminən 30 “Tomahawk” raketi buraxılıb.