Yekaterinburq məhkəməsi Əhliman Gənçiyev barəsində həbs-qətimkan tədbirinin müddəti uzadılıb.

Belə ki, məhkəmə Əhliman Gənçiyev barəsində 22 günlük həbs-qətimkan tədbiri seçərək onu iyulun 19-dək istintaq təcridxanasına göndərib.

Yekaterinburqda iyunun 27-də Rusiya hüquq-mühafizə orqanlarının reydləri nəticəsində saxlanılan Əhliman Gənciyevin həbs müddətinin uzadılması məsələsi ilə bağlı məhkəmə iclası başlayıb.

Bu barədə “Report”un Rusiya bürosu xəbər verir.

Yekaterinburqda saxlanılan azərbaycanlılardan biri – Bakir Səfərovun həbs müddəti uzadılıb.

"Report"un Rusiya bürosu xəbər verir ki, məhkəmə onun barəsində 22 gün müddətinə həbs qətimkan tədbiri seçib.

Yekaterinburqda Rusiya Federal Təhlükəsizlik Xidməti əməkdaşlarının iyunun 27-də keçirdiyi reyd nəticəsində saxlanılan azərbaycanlılardan biri – Bakir Səfərovun həbs qətimkan tədbirinin uzadılması məsələsi ilə bağlı məhkəmə iclası keçirilir.

"Report"un Rusiya bürosunun məlumatına görə, bu gün yerli vaxtla saat 16:30-da daha bir saxlanılan şəxs – Əhliman Gənciyevin işi üzrə məhkəmə iclası keçiriləcək.

İyunun 26-sı səhər saxlanılan Şahin Lalayevin qətimkan tədbirinin uzadılması ilə bağlı sabah yerli vaxtla saat 10:30-da dinləmənin keçirilməsi gözlənilir.

Əvvəlcə məhkəmə işdə adı keçən hər üç şəxsi üç gün müddətinə həbs etmişdi.

Qeyd edək ki, iyunun 27-də səhər saatlarında Rusiya Federal Təhlükəsizlik Xidməti Yekaterinburq şəhərində azərbaycanlıların yaşadığı evlərə basqın edib. Basqın zamanı 2 azərbaycanlı öldürülüb, bir neçə nəfər saxlanılıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır.

Azərbaycan Xarici İşlər Nazirliyi də iyunun 28-də Yekaterinburq şəhərində Rusiyanın FTX-nin azərbaycanlılara hücumları ilə bağlı bəyanat yayıb.

Bundan başqa, Rusiyanın müvəqqəti işlər vəkili Yekaterinburqdakı hadisəyə görə Azərbaycan XİN-ə çağırılıb, kəskin etiraz bildirilib.