“Artıq üzvlərinin istəkləri və tələbləri nəzərə alınaraq müxtəlif təminatı yollayışlar təşkil olunub.

APA xəbər verir ki, bu sözləri Kurort Turizm İnformasiya Mərkəzinin direktoru Emilya Səfərəliyeva Azərbaycan Həmkarlar İttifaqları Konfederasiyasının (AHİK) E-AHİK elektron rezervasiya sisteminin təqdimat tədbirində çıxışı zamanı deyib.

O bildirib ki, müraciət sayları kəskin formada artıb: “Əlçatanlılıq, ədalətlilik və növbəlilik prinsipi geniş yayılıb. Mərkəzimizdə yarı-elektron formada müraciətlər qəbul edilir. Artıq yeni platforma üzərindən müraciətlərin qəbulu tam təmin olunacaq".

"Üzvlərimizin ailə üzvləri əgər müalicə üçün müraciət edirsə, sanator – kurort yollayışlarından ödənişsiz yararlana bilər. İstirahət üçün isə ümumi dəyərin 15%-i ödəməklə yararlana bilərlər", – E. Səfərəliyeva bildirib.