Azərbaycanın “Ağıllı şəhər” və “Ağıllı kənd" layihələri təqdirəlayiqdir.

APA xəbər verir ki, bunu Cəbrayılda səfərdə olan BMT-nin Azərbaycandakı Rezident Əlaqələndiricisi Vladanka Andreeva bildirib.

O qeyd edib ki, Azərbaycan Hökumətinin “Ağıllı şəhər” və “Ağıllı kənd” konsepsiyasını inkişaf etdirmək istiqamətində gördüyü işlər təqdirəlayiqdir: “Hökumətin bu konsepsiyası inkişaf etdirmək üçün göstərdiyi səyləri görmək həqiqətən çox xoşdur. Xüsusilə evlərdə günəş enerjisindən istifadənin tətbiqini görmək məni heyran etdi. Evlərin hamısında günəş panelləri var”.

BMT rəsmisi vurğulayıb ki, son dörd ildə minalardan təmizləmə, tikinti işləri, bina və yolların çəkilməsi kimi sahələrdə həyata keçirilən investisiyalar insanların doğma yurdlarına qayıdışını təmin edən əsas mərhələyə çevrilib.