Miqrantların ABŞ-a qanunsuz yolla kütləvi axını ölkənin mövcud problemlərinin əsas səbəblərindən birinə çevrilib.

APA xəbər verir ki, bunu ABŞ-ın vitse-prezidenti Ceyms Vens “Fox News” telekanalına müsahibəsində deyib.

“Düşünürəm ki, bu, miqrasiya problemidir. Düşünürəm ki, hökumət on milyonlarla çağırılmamış insanı ölkəyə gətirəndə özünü bir ölkənin parçası hiss etmək çox çətindir. Bu, həm də fəhlə sinfinin maaşına mənfi təsir göstərir. Üçüncüsü, cinayətin və narkotiklərin artmasına səbəb olan qeyri-qanuni miqrasiyadır", – Vens deyib.

Vens bənzər problemin Avropada da mövcud olduğuna diqqət çəkib.