Şimali Koreya ehtiyatlarının tükənməsi səbəbindən Rusiyaya artilleriya sursatı tədarükünü əhəmiyyətli dərəcədə azaldıb.

APA xəbər verir ki, bu barədə Ukrayna Hərbi Kəşfiyyat İdarəsi rəis müavini, general-mayor Vadim Skibitski “Reuters” agentliyinə müsahibəsində bildirib.

Onun sözlərinə görə, 2023-cü ildən bəri Şimali Koreya Rusiyaya ümumilikdə 6,5 milyon artilleriya mərmisi göndərib.

Lakin ehtiyatların tükənməsi səbəbindən bu ilki tədarük həcmi 2024-cü illə müqayisədə təxminən iki dəfə az olub.