İsrailin Livanın cənubundakı Əyn əl-Hilvə Fələstin qaçqın düşərgəsinə endirdiyi hava hücumu nəticəsində ən azı 11 nəfər həlak olub. Daha dörd fələstinli isə yaralanaraq xəstəxanaya aparılıb.

APA xəbər verir ki, bu barədə Livanın Səhiyyə Nazirliyinin yaydığı məlumatda deyilir.

Məlumata görə PUA-lar Xalid ibn Vəlid məscidinin yaxınlığında yerləşən HAMAS təlim düşərgəsinə hücum edərək hərbi obyektə bir neçə raket atıb.

***

01:31

İsrail Hərbi Hava Qüvvələrinə məxsus pilotsuz təyyarə Livanın cənubundakı Əyn əl-Hilvə Fələstin qaçqın düşərgəsindəki avtomobilə zərbə endirib.

APA xəbər verir ki, bu barədə “Al Jadeed” telekanalı məlumat verib.

Məlumata görə, pilotsuz təyyarə Xalid ibn Vəlid məscidi yaxınlığındakı avtomobilə hücum edərək ona üç raket atıb.

Hücum nəticəsində ölən və yaralananların olduğu bildirilir.