İsrail ordusu Qəzza zolağının cənubunda 7 kilometr uzunluğunda tunel aşkar edib.

APA xəbər verir ki, bu barədə İsrail Müdafiə Qüvvələrinin (İQQ) ofisi məlumat yayıb.

"Bu, Qəzza zolağında aşkar edilən ən uzun və ən mürəkkəb tunellərdən biridir. Uzunluğu 7 kilometrdən çoxdur və 25 metrə qədər dərinlikdə uzanır. Tuneldə HAMAS terrorçu rejiminin yüksək rütbəli komandirləri tərəfindən silah saxlama, uzunmüddətli qalma və İQQ heyətinə qarşı terror hücumları planlaşdırmaq üçün istifadə edilən komanda məntəqələri də daxil olmaqla təxminən 80 bunker var idi", – açıqlamada bildirilir.