|

Censen Huanq “Nvidia”nın rəhbərliyinə qayıtmağa hazır olduğunu açıqlayıb

17 Noyabr 2026
img

“Nvidia” korporasiyasının keçmiş baş direktoru Censen Huanq şirkətin rəhbərliyinə qayıtmağa hazır olduğunu bildirib.

“The Wall Street Journal” nəşrinin yaydığı məlumata görə, Huanq Direktorlar Şurasından müvafiq təklif alacağı təqdirdə baş direktor vəzifəsini yenidən tutmağa razı olduğunu açıqlayıb.

“Əgər Direktorlar Şurası mənim qayıdışımın səhmdarlarımızın, əməkdaşlarımızın, şirkətimizin və Amerikanın maraqlarına uyğun olduğuna qərar versə, bu müraciətə müsbət cavab vermək və yenidən baş direktor vəzifəsinə qayıtmaq mənim üçün şərəf olar”, – Huanq bildirib.

O, investorlar, biznes tərəfdaşları və müştərilər tərəfindən rəhbərliyə qayıtması ilə bağlı çoxsaylı müraciətlər aldığını da qeyd edib.

“Nvidia”nın Direktorlar Şurasının məsələ ilə bağlı qərar qəbul edib-etmədiyi açıqlanmayıb.

Qeyd edək ki, Huanqın vəzifədən ayrılması və mümkün qayıdışı ilə bağlı məlumatlar hələlik müstəqil şəkildə təsdiqlənməyib.