ABŞ ordusu İranın cənubunda mina yerləşdirməyə çalışan qayıqlar və raket buraxılış məntəqələri də daxil olmaqla hədəflərə qarşı hücumlar həyata keçirərək bunu müdafiə əməliyyatları adlandırıb.

APA xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

CENTCOM-un məlumatına görə hücumlar ABŞ qoşunlarını İran qüvvələrinin yaratdığı təhdidlərdən qorumaq üçün nəzərdə tutulub.

Mərkəzi Komandanlığın sözçüsü, Hərbi Dəniz Qüvvələrinin kapitanı Tim Hokins bildirib ki, ABŞ Mərkəzi Komandanlığı davam edən atəşkəs dövründə təmkin nümayiş etdirərək qüvvələrini müdafiə etməyə davam edir.