Qətərin baş naziri və xarici işlər naziri şeyx Məhəmməd bin Əbdülrəhman Əl Tani çərşənbə günü Qəzza münaqişəsinin həlli ilə bağlı danışıqlarda iştirak etmək üçün Misirin Şarm əl-Şeyx şəhərinə yola düşəcək.

APA xəbər verir ki, bunu baş nazirin müşaviri və Qətər Xarici İşlər Nazirliyinin rəsmi nümayəndəsi Macid bin Mühəmməd əl-Ənsari bildirib.

“Zati-aliləri şeyx Məhəmməd bin Əbdülrəhman Əl Tani sabah səhər, çərşənbə günü, Şarm əl-Şeyxə gedəcək ki, Qəzza zolağı ilə bağlı tərəflər arasında davam edən danışıqlara qoşulsun. Bu danışıqlar daimi atəşkəsin əldə olunması istiqamətində güclənən regional və beynəlxalq səylər fonunda keçirilir.”, – o deyib.