Bundesver (Almaniya Silahlı Qüvvələri) pilotsuz təyyarələrdən müdafiəyə hazırlığını artırmaq üçün əhəmiyyətli resurslar yatırmaq niyyətindədir.

APA xəbər verir ki, bu barədə Almaniya müdafiə naziri Boris Pistorius məlumat verib.

"Hazırda pilotsuz təyyarələr üçün fəaliyyət planı hazırlayırıq. Bu o deməkdir ki, onilliyin sonuna qədər bu sahəyə təxminən 16 milyard avro investisiya qoymağı planlaşdırırıq. Biz kəşfiyyat pilotsuz təyyarələri, hücum pilotsuz təyyarələri, eləcə də pilotsuz təyyarələrin hücumlarını dəf edə bilən sistemlər alırıq", – nazir vurğulayıb.