Bizim əsas məqsədimiz Böyük Qayıdış proqramının birinci mərhələsinin hədəflərinə çatmaq idi.

APA xəbər verir ki, bunu Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov Ümumdünya Şəhərsalma Forumunun 13-cü sessiyası (WUF13) çərçivəsində keçirilən “BBB Publication (TBC)” adlı dialoq sessiyasında çıxışı zamanı deyib.

O bildirib ki, bu mərhələ 2022–2026-cı illəri əhatə edir və bu il başa çatır.

“Qürurla deyə bilərik ki, azad olunmuş bütün ərazilərdə bu hədəflərin demək olar ki, hamısına nail olunub. Proqramın tamamlanması üçün hələ vaxt var”, – deyə Aydın Kərimov qeyd edib.