Azərbaycanda fəaliyyət göstərən Çexiya Respublikası səfirliyi yeni açıqlama yayıb.
Turizmplus.az məlumata əsasən xəbər verir ki, aprelin 28-də Bakıda baş tutacaq F1 Qran-Prisi ilə bağlı vizaların verilməsində dəyişiklik edilib. Belə ki, bu yarışı izləmək üçün Azərbaycana gələn Çexiya vətəndaşları 30 aprel 2023-cü ilədək Azərbaycana gəldikdən sonra hava limanında viza ala bilərlər.
Bu halda turistlər qran pri biletini və ya biletin alınmasına dair hər hansı sübut göstərməlidir. Bundan əlavə yarışın keçirilməsində məsuliyyət daşıyan şirkətlərdən tərəfdaşlıq barədə akkreditasiya kartı göstmərmək də kifayətdir.
