Rusiya neftinin Hindistana artan idxalı həmişəlik olmaya bilər.

APA xəbər verir ki, bu Hindistanın neft nazirliyinin ölkə parlamentinə hesabatında qeyd olunub.

Hesabatda ABŞ tariflərinin adı çəkilməyib, buna baxmayaraq qeyd olunub ki, Hindistanın dövlət nəzarətində olan neftayırma zavodları neft idxalatı üçün illik kontraktlar imzalamağa davam edəcək və burada əsas məqsəd neft bazarındakı qeyri-sabitlikdən yayınmaqdır, çünki ucuz Rusiya neftinin gələcək idxalatı şübhə altındadır.

Qeyd edək ki, Hindistan dünyada ən böyük 3-cü neft idxalatçısı və istehlakçısıdır.

Bu ölkənin neft tələbatının üçdə birindən çoxu Rusiya tərəfindən ödənilir.