Kubanın paytaxtı Havanadakı Niko Lopes neft emalı zavodunun neft məhsulları anbarında baş verən yanğın nəzarət altına alınıb.

APA xəbər verir ki, bu barədə Kubanın Energetika və Mədən Nazirliyi məlumat verib.

"Bu gün günortadan sonra Niko Lopes neft emalı zavodunda yerləşən anbarlardan birində baş verən yanğın nəzarət altına alınıb. Səbəb müəyyən edilir", – nazirliyin “X” səhifəsində bildirilir.

Hadisə nəticəsində ölən və ya xəsarət alanların olub-olmaması barədə məlumat yoxdur.