Ukrayna, ABŞ və Rusiya nümayəndə heyətləri arasında Cenevrədə keçirilən danışıqların ilk günü başa çatıb.

APA xəbər verir ki, bunu Ukrayna Milli Təhlükəsizlik və Müdafiə Şurasının katibi Rustem Umerov bildirib.

O bildirib ki, birgə iclasdan sonra müəyyən sahələrə əsaslanan qruplar arasında görüş davam edib. Umerov müzakirələrin praktik məsələlərə və mümkün həll yollarına yönəldildiyini deyib.

Rusiya, Ukrayna və ABŞ nümayəndə heyətləri arasında üçtərəfli danışıqların çərşənbə günü davam etdirilməsi planlaşdırılır.