İspaniyanın Asturiya muxtar bölgəsinin Ovyedo şəhərində baş verən partlayış nəticəsində azı bir polis əməkdaşı ölüb, daha biri isə ağır yaralanıb.

Bu barədə EFE agentliyi məlumat yayıb.

Məlumata görə, yaşayış evlərindən birində atəş açılması barədə məlumat daxil olduqdan sonra polis əməkdaşları hadisə yerinə yollanıblar. Əraziyə çatdıqda evin girişində bel çantasında yerləşdirilən partlayıcı qurğu partlayıb.

Hadisədən sonra polis atəş açaraq partlayışa səbəb olan şəxsin axtarışına başlayıb. Onun silahlı ola biləcəyi istisna edilmir.

Atışma nəticəsində bir qadın xəsarət alıb.