Rusiyanın Volqoqrad şəhəri və vilayəti noyabrın 13-nə keçən gecə kütləvi dron hücumuna məruz qalıb.

APA yerli KİV-ə istinadən xəbər verir ki, hücum nəticəsində Volqoqrad neft emalı zavodunun ərazisində güclü yanğın baş verib.

Volqoqrad vilayətinin qubernatoru Andrey Boçarov dron hücumunu təsdiqləyib. Onun sözlərinə görə, pilotsuz uçuş aparatlarının qalıqlarının Volqoqradın cənubundakı sənaye müəssisəsinin ərazisinə düşməsi nəticəsində lokal yanğınlar baş verib.

Zavodun yerləşdiyi ərazidə daha sonra yeni partlayış səsləri eşidilib.