Ədalətli sülh razılaşması olmadan cəbhə xəttində atəşkəs rejiminin yaradılması müharibənin tam başa çatması demək deyil.

APA xəbər verir ki, bu barədə RBC-Ukraynaya açıqlamasında Prezident Aparatının rəhbərinin müşaviri Mixail Podolyak bildirib.

“Atəşkəs müharibənin bitməsi deməkdirmi? Əgər nəzərə alsaq ki, insanlar reallığı bir az başa düşmürlər, bir az da müharibənin nə olduğunu, işğalçının kim olduğunu başa düşmürük, bəli, siz müharibəni dayandırdınız. Çıxıb dediniz ki, “Bax, müharibəni dayandırdıq, hər şey gözəldir”. Amma bu o deməkdir ki, müharibə əslində dayanmayıb”, – Podolyak bildirib.

Onun sözlərinə görə, Rusiya digər Avropa ölkələri daxil olmaqla başqa ölkələrə qarşı da , təcavüzünü davam etdirəcək. Məhz buna görə də Podolyakın fikrincə, atəşkəs davamlı sülh gətirməyəcək.